THE GOSPEL SESSIONS (Holanda-USA)
“Qué pasaría se tivésemos que presentar o Evanxeo a cachos?”. Esta foi a pregunta que Onno Smit e Paul Willemsen (de Beans & Fatback e Lefties Soul Connection) fixéronse cando se propuxeron emprender o proxecto The Gospel Sessions vol.1, un proxecto que retorna elegantemente á esencia do gospel: desprenderse do superfluo e ver o que queda. Ese era o reto e o resolveron esplendidamente grazas á soberbia voz de Michelle David.
A norteamericana (que volve ao Outono Códax por aclamación popular despois do seu espectacular directo na edición 2013) é unha das grandes vocalistas de soul e gospel do actual panorama internacional. Orixinaria de Nova York, acompañou a estrelas da talla de Diana Ross ou Michael Bolton e é considerada unha das grandes voces do soul actual.
Agora, e a través do espectáculo The Gospel Sessions vol. 1, destilará o sabor máis orixinal do xénero. Unha reinvención a través do minimalismo. Non hai Hammond, nin coros; si guitarras e baixos que soan como antano: os sons provenientes de Mali que chegaron ao Caribe e logo recuperaron en Nova Orleans. Un show de pel, de calidade, dos que non se esquecen…